ავიაბილეთების ინტერნეტში შეძენა ბოლო ხანებში სულ უფრო და უფრო მარტივი ხდება. ყველა ავიაკოპპანიას აქვს თავის ვებგვერდზე განთავსებული Aviabiletebi -ს გაყიდვის მოდული, გარდა ამისა არსებობს უამრავი ავიაბილეთების  საძიებო სისტემა, რომელებსაც საბოლოო ჯამში მაინც გადავყავართ ონლაინ ტურისტულ სააგენტოსთან (OTA), ან გვაკავშირებს რომელიმე დაჯავშნის გლობალურ (GDS) სისტემას. 
განსხვავებით ონლაინ, (ინტერნეტ) სააგენტოებისგან IATA -ში აკრედიტირებული სააგენტოები თითონვე ფლობენ დაჯავშნის სისტემებს, აქვთ პირდაპირი წვდომა ავიაკომპანიების სისტემებთან ხელშეკრულებების საფუძველზე, სააგენტოებში მუშაობენ სერთიფიცირებული და შესაბამისი გამოცდილების მქონე ექსპერტები, რომლებიც ყველა საჭირო მხარდაჭერას უწევენ თავიანთ კლიენტებს.
ტურისტული სააგენტო მუდმივ კომუნიკაციაშია მგზავრთან, მოგზაურობის დაწყებიდან მის დასრულებამდე. არც თუ ისე იშვიათია როცა საჭირო ხდება დამატებითი ოპერაციების შესრულება მოგზაურობის დროს, თარიღების ცვლილება, დამატებითი ბარგის შეძენა, შინაური ცხოველების ტრანსპორტირება, სპეციფიური ბარგი, მუსიკალური და სპორტული ინვენტარი, ტექნიკა და მოგზაურობასთან დაკავშირებული უამრავი მანიპულაციის განხორციელება. ამ შემთხვევაში პროფესიონალური ტურისტული სააგენტოს სერვისი მოგზაურებისთვის უალტერნატივო და ფასეულია. არც ის არის დაფარული რომ სააგენტოები ამ სერვისის მიწოდებისათვის იღებენ გარკვეულ ადეკვატურ გასამრჯელოს.